Хто мы ёсьць

Мы ёсьць жыхарамі Савецкага раёну сталіцы і прадстаўляем супольнасьць людзей рознага веку, прафесіяў і жыцьцёвых памкненьняў. Незалежна ад ніякай палітычнай сілы, мы імкнемся стварыць раённую супольнасьць для абмена думкамі ды ідэямі і вырашэньня розных мясцовых праблем. Разам нам прасьцей дамагчыся выкананьня сваіх правоў і вольнасьцяў ды працістаяць свавольству мясцовых ўладаў.

Аспекты нашай дзейнасьці:

• выданьне бюлетэню з матарыяламі мясцовага й агульнарэспубліканскага зьместу;
• збор подпісаў жыхароў раёна для зваротаў да дэпутатаў мясцовых саветаў і шэраг афіцыйных установаў з мэтай вырашэньня розных мясцовых праблем;
• правядзеньне кампаній па перайменаваньні вуліц;
• арганізацыя бясплатных заняткаў, прысьвечаных беларускай культуры й мове для ахвочых;
• удзел у праекце “Пакаяньне”: сустрэчы з рэпрэсаванымі савецкай уладай людзьмі, інфармаваньне пра мемарыяльны комплекс “Курапаты”, пастаўлены на памяць аб 200 тыс. растраляных сталінcкім рэжымам жыхароў Беларусі. Падрабязьней пра праект

Мы рады супрацоўнічаць з Вамі!

Кожны можа патэлефанаваць да нас на нумар +375336380968 (МТС) альбо даслаць нам нейкую прапанову, заўвагу, якія будуць уважліва разгледжаныя. Вы таксама можаце падзяліцца мясцовай навінай альбо нават гатовым артыкулам, якія могуць быць разьмешчаныя на нашым сайце альбо надрукаваныя ў "Весніку Камароўкі".

Такім чынам, сайт дапаможа жыхарам раёна супольна абмяркоўваць мясцовыя праблемы ды гуртавацца для іх вырашэньня.