У выніку моцнай залевы ў Менску, адным з найбольш затопленых раёнаў сталіцы, разам з Нямігай, вуліцамі Захарава, Кірава, Чырвонаармейскай, Першамайскай, аказалася раён Камароўскага рынка.

Камароўскі рынак, візітоўку Савецкага раёна, затапіла такім чынам, што вада дасягла прылаўкаў. Затапілася таксама крама "Еўраопт". Там сама патанулі дзясяткі аўтамабіляў.

Ратавальнікі міністэрства па надзвычайных становішчам адпампавалі з найболоьш затопленых участкаў ваду, эвакуявалі грамадзянаў з грамадзкага транспарта, падтопленых крамаў і Камароўскага рынка.

Паводле charter97.org, сеткі дажджавой каналізацыі будаваліся ў Менску ў 60-70-ыя гады мінулага стагодзьдзя. Апрача "Цэнтра", галоўныя калектары ў Менску наступныя: "Камароўскі", "Дражня", "Сьляпянка", "Захад", "Паўднёвы Захад", "Няміга".

Глядзі таксама фоторэпартаж з пашкоджаных патопам крамаў Савецкага раёна на сайце "Камароўскай праўды".