Грамадзянін Конга патануў у Цнянскім вадасховішчы

Пракуратура Савецкага раёна праводзіць праверку па факце сьмерці грамадзяніна Конга ў Цнянскім вадасховішчы 28 ліпня, паведамляе інфармацыйнае агенцтва "Інтэрфакс - Захад".

Грамадзянін Конга 1965 года нараджэньня, ягоная жонка і іх маленькая дачка пайшлі адпачыць на Цнянскае вадасховішча, паведаміў агенцтву старшы памочнік пракурора Менска Сяргей Балашаў. "Па словах жанчыны, яна і яе муж былі цьвярозыя. Мушчына плаваць ня ўмеў і таму толькі хадзіў па вадзе ля берага.

Калі ж ён пачаў патанаць, ягоная жонка плавала ў некалькіх метрах ад берага і падумала, што ён балуецца", паведаміў суразмоўца. На думку жанчыны, яе муж зваліўся ў нейкую яму пад вадоў і захлынуўся.

Па словах загадчыка Цнянскай выратавальнай станцый Георгія Жаброўскага, Цнянскае вадасховішча ёсць адным вадаёмам у Менску, дзе можна купацца, пасля таго, як Камсамольскае возера зачынілі на рэканструкцыю.

Ад пачатку сезона на Цнянке патанулі ня менш за 6 чалавек. Толькі ад 3 да 5 ліпня на Цнянцы загінулі два чалавекі - студэнт Беларускана нацыянальнага тэхнічнага ўніверстэту і абітурыент.

Цнянскае вадасховішча - наліўное вадасховішча, у складзе Вілейска-Менскай воднай сістэмы на тэрыторыі Савецкага раёна. Пабудавана ў 1982 годзе. Сіліцца з вадасховішча Дразды.