Весьнік Камароўкі

Большасьць сродкаў масавай інфармацыі (СМІ) Беларусі ператвораныя дзяржавай у сродкі масавай інфармацыі і прапаганды (СМІП).
СМІ павінны інфармаваць грамадзтва і кантраляваць уладу, тым часам як СМІП проста прылада для аднабокага асьвятленьня падзеяў з гледзішча ўладнай групоўкі.

Недзяржаўныя выданьні фактычна трываюць інфармацыйную і эканамічную блакаду. Забарона на распаўсюд у кіёсках “Саюздруку”, забарона на падпіску, забарона на разьмяшчэньне рэклямы, інфармацыі. У Беларусі на сёньня ацалела толькі 10 (!) грамадзка-палітычных недзяржаўных газэт, наклад якіх складае адну тысячу асобнікаў і больш.

У рэйтынгу свабоды мэдыяў у 2007 годзе, вызначаным арганізацыяй “Рэпартэры бяз межаў”, Беларусь займае 151-ае месца з 169 краін сьвету. Напрыклад, афрыканская Руанда альбо азіяцкі Таджыкістан больш свабодныя для журналістаў за Беларусь.

У Індэксе Свабоды слова ("Freedom House Freedom of the Press ranking") Беларусь займае 188-е месца ў сьвеце са 195 краін, што на дзьве прыступкі ніжэй за пазалеташні паказнік.

Рэдакцыя незалежнага грамадзка-палітычнага бюлетэню “Веснік Камароўкі” была заснавана ў студзені 2007 года і была абноўленая ў траўні таго ж года.

"Веснік Камароўкі" выходзіў двойчы на месяц да траўня 2008. Дагэтуль было выдадзена 28 нумароў. Спампаваць кожны з іх можна ніжэй.

Неўзабаве выдацьцё бюлетэню пачнецца ў новым фармаце.