Пра раён

Раён знаходзіцца на поўначы сталіцы і складаецца з чатырох гістарычных мяцовасьцяў – Залатой горкі, Пярэспы, Старажоўкі ды Камароўкі.

Назва Камароўка пашырылася на ўсю акругу ад назвы вёскі, якая месьцілася ў раёне сучасных плошчы Я.Коласа, вуліц Кульман, Гікала ды Харужай.

Праўдападобна, назва вёскі Камароўка пайшла ад вялікай колькасьці камароў, што панавала над балатамі. Гэта быў самы канец горада, за якім пачынаўся лес ды балоцістыя мясціны.

Афіцыйна раён быў створаны ў 1938 г. і тады меў назву Варашылаўскі. У Савецкі быў перайменаваны ў 1961 г.і пагэтуль носіць гэтую назву. Сучасныя межы ён набыў у 1977 г.